Almond flour bread - Цагаан талх

Сэвсгэр цагаан талхаа идмээр санагдаж байвал доорх жорыг туршаад үзээрэй. Сэвсгэр цагаан талхны туршилт амжилттай болов.

Орц:
• 1+1/2 аяга бүйлсийн гурил
• 6 ширхэг өндөг
• 1/4 аяга масло
• 3 цайны халбага исгэгч
• 1 чимх давс
• 1 чимх сахар орлуулагч

Хийх заавар:
Шарах шүүгээг 190 хэмд халааж бэлдэнэ.
• Өндгөө шар цагаанаар нь салгаж 2 саванд хийнэ.

• Өндөгний цагаанаа цахилгаан хутгагч ашиглан хөөсөрч сэвсгэр болтол хутгана.
• Өндөгний шар дээр хайлуулсан масло ,эсгэгч, давс, сахар хийж холилдтол хутгасны дараа бүйлсийн гурилаа бага багаар хийж хутгаад зуурмагаа жигд болсны дараа хөөсрүүлсэн өндөгний цагаанаа бага багаар нэмж нэгэн жигд зуурмаг болтол хутгана.
Талхны хэвээ тослон зуурмагаа хийж шарах шүүгээний дунд тавиурт тавин 30 мин жигнэж болгоно.

 

Шимт тэжээл 1 зүсэм (дундаж 25 гр):
• Нүүрс ус: 2 гр
• Эслэг: 0.75 гр
• Өөх тос: 7 гр
• Уураг: 3 гр
• Илчлэг: 90 ккал

* Жич: Талх болон амттанг өөрийн хоногт авах шаардлагатай нүүрс ус, илчлэгтээ тохируулан идээрэй. Зөвшөөрөгдсөн хүнс ч гэлээ хэмжээ хэтрүүлвэл жин хасагдахгүй шүү.
Хөлдөөгөөд удаан хугацаанд хадгалан идэх боломжтой.

Кето хоолтон Matt-ын жороор хийв.